كباب الدجاج بالفرن

هاي ياحلوين جايبلكن معاي وصفه طعمها يخبّل وهي كباب الدجاج

المقادير: كيلو صدور دجاج منزوع الجلد والعظم \بقدونس مفروم ناعم

4 حبات بطاط مقشره ومقطعه بشكل دوائر

ملح \مسحوق فلفل اسود \طحينه\عصير ليمون حامض

طريقه التحضير: ناخذ صدور الدجاج ونقطعها قطع متوسطه ونضعها

في الخلاط ونفرمها لحد ماتصير مثل العجينه ثم نضيف البقدونس

المفروم والملح والفلفل الاسود ونخلطهم زين و بعدين

نبلل يدنا بالماي يعني نخليها مبلله وناخذ قليل من العجينه

ونكببها مثل الاصابع يعني يكون شكلها مثل كباب اللحم

نجيب صينيه وندهنها بالزيت بعدها نصف قطع الكباب

ومعاهم شرائح البطاط (يمكن اضافه شرائح طماط هذا بحسب الرغبه)

وندخلهم الفرن لما يصير لون اللحم ابيض والبطاط اشقر نخرجهم من الفرن

في هذي الاثناء نقوم بتذويب الطحينه بعصير الحامض لحد مايصير عندنا

مزيج متماسك نوعا ما نضع الكباب في وعاء التقديم والى جانبهم صوص

الطحينه

وصحتين وعافيه Very Happy