مشاكل ممكن ان يكون لها حلول فى يد الغير

كل انسان عند مشاكل ممكن اتكون صغيره وممكن اتكون كبيره بس الاسم الشامل
اللى تندرج عنده سوء كانت صغيره او كبيره هو مشاكل...
حبيت ان نطرح الفكره ه>ه وكل واحد عندا مشاكل او مشكله مهما كان حجمها
يطرحها علينا بكل وضوح وانحاولو ان كنا انساعدوه فى حلها او على الاقل فهمها
لان فى ناس اتكون عندهم المشاكل واضحه بس الخلل فى فهم المشكله هذى
وانا اول الناس عندى مشكله عاطفيه
وحنحكى بكل مصداقيه وبدون كذب انا مرتبطه بشخص ليا تقريبا 10 سنين
بس مشكلته فى موضوع الارتباط يعنى ما يبيش يتربط توا وكلمة توا موجوده عنده من اول سنة عرفته فيها
وفى نفس الوقت ما تبينيش انكون لغيرا وبصراحة هذى اسمها انانيه لانى انا كيفي كيف اى بنت نبى نرتبط وانكون اسره
ولعند توا مش عارفه شن اندير معاه نصبر ولا خلاص ننساه ؟؟؟
ساعات ايكون باين قدامى ان مش حيدير اى حاجة او اى خطوة ايجابيه
وفى نفس الوقت مش حنقدر انعيش من غيره او ننساه
فلو ممكن اى حد عنده اى اقتراح ممكن ايفيدنى ايقولى ونكون شاكرة جدا ليكم

اول شي الحب شي جميل ومفروض ما نفرطش فيه بس لازم يكون الطرفين خالييين من الانانية انا من رايي اعطيه فرصة انه يثبتلك حبه اصبري عليه لاخر مرة بس لو ما دارش حل معناها الاحسن انك تسيبيه
وهدا رايي

بصراحة ونصيحتي لكل بنت :
اللي ما يشتركي ويغليكي بالدنيا ويستعجل أيام اللقاء هذا واحد ملعب يتسلى وما يستاهل ظفرك اشطبيه من حياتك والدنيا حلوة